Gylfi!!!!

Það er of seint að aðskilja skoðanir ASÍ og þínar núna.

  Þú hefur talað fyrir hönd ASÍ eins og það væri þitt einkafélag. 

Ég vil að þú segir af þér sem forseti ASÍ, þú bullar ekki meira.

Fólk treystir þér ekki lengur, manstu þegar þú varst púaður niður þann 1. maí á Austurvelli? 

Þá var þinn tími liðinn....

Gylfi: Ekki afstaða ASÍ

Hvers vegna við ætlum að kjósa NEI þann 9. apríl

 

Frá Samstöðu þjóðar gegn IceSlave

"Góðir landsmenn. 

Þegar við gerum upp hug okkar gagnvart Lögum nr. 13/2011 verðum við að gera okkur grein fyrir eftirfarandi:

1) Hvaða lög eru í gildi gagnvart hinum erlendu kröfuhöfum?

2) Hvaða tilskipanir ESB voru í gildi þegar bankarnir hrundu?

3) Hvaða reglur gilda um Tryggingasjóð innistæðueigenda í Englandi?

4) Hvaða áhrif hafa þessi lög á framtíð landsins?

 

Hvaða lög eru í gildi?

Við gjaldþrot íslenskra fyrirtækja er nauðsynlegt að gera sér grein fyrir því að íslensk lög gilda, bæði hér á landi og erlendis ef um útibú er að ræða. Þess vegna gildir við gjaldþrot Íslensku bankanna að Tryggingasjóður á að greiða þeim sem áttu peninga í Landsbankanum þá upphæð sem Tryggingasjóður Innistæðueigenda á að ábyrgjast það er að hámarki € 20887, ef um almennan innlánasjóð var að ræða.

Hinsvegar er ekki um neina ábyrgð að ræða, ef um áhættu sjóð er að ræða. Það er ekki augljóst, og þarf því að ákveða það með dómi, það mál verður að reka fyrir Héraðsdóms Reykjavíkur, og ef því verður áfríað þá fyrir Hæstarétti Íslands.

 

Hvaða tilskipanir ESB voru í gildi þegar bankarnir hrundu?

Tilskipun ESB sem var í gildi, þegar bankarnir urðu gjaldþrota er No. 94/19/EB. Tilskipun þessi tók gildi þegar þau höfðu verið birt í Stjtíð. í EB skv. samþykkt 30 maí 1994. Í þessari tilskipun sem voru samþykkt sem lög hér á landi stendur:

Í 3. gr. 1. málsgrein meðal annars,

— kerfið er til og viðurkennt af stjórnvöldum á þeim tíma sem tilskipun þessi er samþykkt,

— kerfið er rekið með það að markmiði að koma í veg fyrir að innlán í lánastofnunum innan kerfisins verði ótiltæk, og það er nægilega öflugt til að hindra það,

— kerfið má ekki felast í tryggingu sem aðildarríkin sjálf eða héraðs- og sveitarstjórnir veita lánastofnun,

— samkvæmt kerfinu fá innstæðueigendur upplýsingar eins og segir í 9. gr.

 

En eins og hér má sjá mega aðildarríkin, það er ríkið, héraðs eða sveitastjórnir ekki tryggja sjóðinn með opinberri ábyrgð sem síðan skal greiðast af almenningi.

Þá er einnig rétt að líta á tilskipunina og athuga hvernig skal meðhöndla mismunandi tryggingar upphæð hinna ýmsu landa innan EES.

4.gr.

1. Innlánatryggingakerfi sem eru stofnsett og viðurkennd af stjórnvöldum í aðildarríki samkvæmt 1. mgr. 3. gr. skulu ná til innstæðueigenda í útibúum er lánastofnanir hafa komið sér upp í öðrum aðildarríkjum. Fram til 31. desember 1999 má veitt trygging hvorki vera hærri né víðtækari, meðal annars hvað prósentuhlutfall snertir, en sú hámarkstrygging sem er veitt af tilsvarandi tryggingakerfi á yfirráðasvæði gistiríkisins. Fyrir þann dag skal framkvæmdastjórnin semja skýrslu ágrundvelli fenginnar reynslu af beitingu annarrar undirgreinar og meta hvort þörf sé á því að halda þessu fyrirkomulagi áfram. Ef við á skal framkvæmdastjórnin leggja tillögu að tilskipun fyrir Evrópuþingið og ráðið um lengri gildistíma þessa fyrirkomulags.

2. Ef tryggingin í tryggingakerfi gistiríkisins verður hærri og víðtækari, meðal annars hvað prósentuhlutfall varðar, en sú trygging sem er veitt í aðildarríkinu þar sem lánastofnunin hefur fengið leyfi skal gistiríkið sjá til þess að á yfirráðasvæði þess sé viðurkennt innlánatrygginga-kerfi, sem útibú getur tengst að eigin vild til uppbótar þeirri tryggingu sem innstæðueigendur hennar njóta þegar vegna aðildar útibúsins að kerfi heimaríkisins. Kerfið sem útibúið tengist skal tryggja þann flokk stofnana, sem útibúið tilheyrir eða stendur honum næst í gistiríkinu.

Í annarri málsgrein er það staðfest að gistilandið sem útibúið er í, á að tryggja útibúið ef innistæðutrygging gistilandsins er hærri en heimalandsins, og skal gera samning þar um.

 

Hvað segja Bresku lögin?

Samkvæmt Handbók breska tryggingasjóðsins, eru lög og reglur sem gilda fyrir hann nákvæmlega í samræmi við reglugerð 94/19/EB sem er afar mikilvægt fyrir íslensku þjóðina. Þetta merkir að breski tryggingasjóðurinn, sem er deild innan FSA (Fjármálaeftirlit Bretlands), getur ekki heimilað Landsbankanum að hefja starfsemi fyrr en ráðstöfun hefur verið gerð um tengingu við Breska Tryggingasjóðinn. Þetta var gert og fékk Landsbankinn No. 207250 hjá sjóðnum. Hafi bankinn ekki staðið við samninginn þá er það algjörlega á ábyrgð FSA, en ekki íslensku þjóðarinnar. Þá skulum við einnig gera okkur grein fyrir því að nákvæmlega hið sama gildir um Holland.

 

Hvernig eru lögin sem við eigum að segja Já við samkvæmt meirihluta Alþingis?

Þessi meirihluti hefur hamrað á því að almenningur í þessu landi eigi að borga fyrir gjaldþrot Einkafyrirtækis sem er ólöglegt samkvæmt Stjórnarskrá Landsins. Rétt er að taka fram, að Ríkisstjórnin sendi óhæfa aðila til þess að semja við Breta og Hollendinga, þeir létu hafa eftir sér að þeir nenntu ekki að standa í þessu lengur. Þessir aðilar komu með samning ICESAFE I sem var svo óhæfur að allir landsmenn neituðu honum, aðeins Ríkisstjórn landsins lofaði samninginn og krafðist samþykktar hans á Alþingi án þess að Þingmenn fengju að sjá hann. Þá kom ICESAFE II sem var felldur af þjóðinni með tæplega 100% greiddra atkvæða.

Síðasta samninganefnd fékk engu áorkað, nema hvað vextir voru lækkaðir, ásamt því að nú skuli dómsmál fara fram í Hollandi samkvæmt Breskum lögum, sem þýðir að Gerðadómur ræður málum, hann er skipaður Breta, Hollendingi, Íslendingi og Dómara hjá Alþjóðadómstólnum. Þetta þýðir að ísland hefur ekkert um málið að segja. Með þessu fer lögsaga landsins til þessara landa. Þá segja lögin; „Íslenska Ríkið á að ábyrgist þetta óákveðna lán“, sem Einkabankinn stofnaði til við gjaldþrot, sem er ólöglegt samkvæmt Stjórnarskrá. Með þessari grein er búið að taka þá ákvörðun að Almenningur í þessu landi eigi að greiða allar skuldir gjaldþrota einkafyrirtækja framtíðar.

 

Hvaða áhrif hafa þessi lög á framtíð landsins?

Eftir þær athuganir sem félagar í Samstöðu þjóðar gegn ICESAFE hafa gert, er niðurstaðan þessi.

Ef við segjum Já, þá verðum við að greiða allar kröfur þessara landa þrátt fyrir það að þær standast ekki Íslensk lög, eða tilskipun Evrópusambandsins No. 94/19/EB, sem gildir um þessi fyrirtæki. Ástæðan er sú að með þessum lögum samþykkjum við að Bresk lög gildi í þessu máli, og þar með fellum við neyðarlögin úr gildi, en þau hafa verið okkar helsta vörn. Þó Geir H. Haarde hafi sagt að við ætlum að tryggja allar innistæður í Íslenskum Bönkum, þegar hrunið varð, er það ekki staðfest í lögum og því ekki greitt.

Þess vegna geta Bretar og Hollendingar ekki krafist neins slíks, ef farið er eftir íslenskum Lögum. Ef farið verður eftir Breskum lögum þá geta þessar þjóðir krafist slíkra greiðslna.

Niðurstaða: Það er ógerningur að vita hvenær við getum hafið rekstur velferðaríkis á Íslandi.

 

Ástæðan fyrir því að við eigum að segja NEI er:

Við viljum fara að lögum um uppgjör einkafyrirtækja.

Við viljum að rétt sé rétt. Við viljum ekki afsala frelsi okkar og lagalegum rétti til annarra þjóða.

Við viljum vera sjálfstæð þjóð. Við viljum ekki ábyrgjast rekstur einkafyrirtækja framtíðarinnar.

Við viljum ekki taka á okkur ábyrgð vegna ranglátra laga EB. Bretar og Hollendingar geta krafið eigendur Landsbankans um greiðslur þessar, enda passa Bretar eigendurna og vilja ekki afhenda þá til landsins, þegar þess er óskað. Bretar eiga að greiða tjón vegna Hryðjuverkalaga sem þeir beittu gegn landinu.

 

Kveðja frá Samstöðu þjóðar gegn ICEsave. " 

Ég tek undir hvert orð í þessari yfirlýsingu.....

 

Margir hafa kosið um Icesave

Glæpsamlegt framferði

Mér finnst fyrir það fyrsta það að blekkja fólk og láta það halda að þetta gæludýrafóður sé framleitt á Íslandi. 

Ég hef keypt þetta fóður fyrir dýrin mín 4,  3 ketti og 1 hund, í þeirri trú að ég væri að kaupa gæðavöru framleidda á Íslandi... 

Hvernig ætli maður beri sig að ef maður geymir fóðrið í plastílátum?  Ég geymi ekki poka undan fóðri sem ég er búin að opna...

Ég er nýbúin að fjárfesta í 12 kílóa poka af fóðri fyrir hundinn minn og 7 kílóa poka fyrir kettina mína? 

Skamm Lýsi, þetta eru vörusvik að mínu mati....

Gæludýrafóður innkallað

Ég vil hvetja fólk að hafa hagsmuni barna sinna og barnabarna að leiðarljósi

Og kjósa samkvæmt sannfæringu sinni, ég hef haft þá skoðun frá því fyrir þjóðaratkvæðagreiðsluna þann 6. mars í fyrra að þetta IceSlave mál snúist um grundvallaratriði. 

Það snýst ekki um upphæðina, heldur hvort almenningur eigi að taka á sig tap einkafyrirtækis....

Ég tjáði skoðun mína í þessu frábæra myndbandi....  

Ég hef ekki áhuga á því að börnin mín og barnabörn þurfi að taka á sig að borga skatta til Bretlands og Hollands næstu 35 árin, og bara til þess að þjónkast ELÍTUNNI.

Þetta er stærsta myntkörfulán sögunnar hérna á Íslandi.   Þar sem ekki á að láta lögmæti stjórna, heldur pólitík. 

Já, sinnar eru flestir "yfirstéttar, stjórnmála, spillingar, sjálftöku, fyrrverandi stjórnmála, á sjálfteknum ofureftirlaunum, skriffinnar, háskólamálpípur og annarsskonar sjálfskipað ELÍTULIÐ"

SEGJUM NEI Í ÞJÓÐARATKVÆÐAGREIÐSLUNNI ÞANN 9. APRÍl

Hvetja félagsmenn til að kjósa já

Ég ætla að birta hérna myndbönd 3 og 4 Nei við IceSlave

Myndband 3 Nei við IceSlave

 

Svo kemur hérna myndband 4 þar sem ég sjálf segi mína skoðun á IceSlave.

 

það er áríðandi fyrir okkur foreldra, ömmur, afa, langömmur og langafa að gæta hagsmuna barnanna okkar og barnabarna og segja NEI við IceSlave þann 9. apríl....

32 milljarða millfærslur

Ekki loka holunni

Ég er spennt að fara á Þingvelli bara til þess að sjá þessa holu. 

Auðvitað á að girða í kringum hana og gera aðganginn öruggan.

Svona vilja túristar sjá og upplifa á Íslandi...

Almannagjá opnuð aftur

Neyðarkall frá íslenskum borgurum til AGS og ESB

Neyðarkall frá íslenskum borgurum til AGS og ESB

Að frumkvæði Gunnars Tómassonar, hagfræðings og fyrrverandi ráðgjafa hjá Alþjóðagjaldeyrissjóðnum, og fleiri Íslendinga var meðfylgjandi bréf sent til Dominiques Strauss-Khans, framkvæmdastjóra Alþjóðagjaldeyrissjóðnum, og José Manuels Barrosos, forseta Framkvæmdarstjórnar Evrópusambandsins. Bréfið var sent til þeirra í ljósi þess lykilshlutverks sem AGS og ESB skipuðu í nóvember 2008 þegar samningaviðræðurnar vegna Icesave hófust.

Á þessum tíma setti AGS fram spár um efnahagshorfur Íslands og gengið var frá samkomulagi um að ef efnahagsþróun landsins yrði umtalsvert verri en þessar spár gerðu ráð fyrir þá gæti Ísland farið fram á viðræður við Bretland og Holland vegna þeirra þátta sem liggja til grundvallar frávikinu og um sjálft viðfangsefnið Icesave.Nýlegt mat AGS á þróuninni á árunum 2009 til 2010 og spár fyrir 2011 til 2013 gefa mun verri mynd en fyrri spár.

Bréfritarar hafa áhyggjur af því að núverandi frumvarp um Icesave-samninginn, sem verður lagt fyrir í þjóðaratkvæðagreiðslunni 9. apríl n.k., endurspegli ekki þessa neikvæðu þróun. Því fara bréfritarar þess á leit við AGS og ESB að þessar stofnanir„geri ítarlegt og sjálfstætt endurmat á skuldaþoli Íslands annars mun vanhugsuð úrlausn Icesave-málsins þröngva Íslandi í ósjálfbæra erlenda skuldagildru.“

 

Reykjavík 28. mars 2011

Hr. Dominique Strauss-Kahn
framkvæmdarstjóri
Alþjóðagjaldeyrissjóðsins
Washington, DC 20431
USA
/
Hr. José Manuel Barroso
forseti Framkvæmdarstjórnar Evrópusambandsins
1049 Brussels, Belgium

Kæri, hr. Strauss-Kahn. / Kæri, hr. Barroso.

Eftir hrun íslenska bankakerfisins í október 2008 féll verg landsframleiðsla (VLF) um 25% á næstu tveimur árum eða úr 17 milljörðum bandaríkjadala niður í 12‚8 milljarða bandaríkjadala (USD). Ef spá Alþjóðagjaldeyrissjóðsins (AGS) um 14,8% vöxt vergrar landsframleiðslu næstu þrjú árin gengur eftir mun hún nema 14,7 milljörðum bandaríkjadala árið 2013 og vera 13% lægri en árið 2008.

Horfurnar eru aðeins skárri ef mið er tekið af vergri landsframleiðslu á stöðugu verðlagi í íslenskum krónum . AGS spáir að árið 2013 verði verg landsframleiðsla um 2-3% lakari en árið 2008 sem þýðir að hún verður 4-6% lægri en AGS spáði í nóvember 2008.

Með öðrum orðum þá eru efnahagshorfur Íslands umtalsvert lakari en gengið var út frá við gerð svokölluðu Brussels viðmiða fyrir ICESAVE samninga sem aðilar málsins samþykktu undir handleiðslu viðkomandi stofnunar Evrópusambandsins (ECOFIN) í nóvember 2008.

Jafnframt telur AGS að vergar erlendar skuldir Íslands í lok ársins 2009 hafi verið um 308% af vergri landsframleiðslu. Það þýðir nærri tvöfalt það 160% hlutfall sem sjóðurinn spáði í nóvember 2008. Í skýrslu AGS um Ísland, dagsettri 22. desember 2010, er því spáð að vergar erlendar skuldir Íslands muni nema 215% af vergri landsframleiðslu í árslok 2013 (sjá töflu 3, bls. 32 í umræddri skýrslu) eða liðlega tvöfalt það 101% hlutfall sem spáð var í nóvember 2008 (sjá töflu 2, bls. 27 í sama riti).

Vergar erlendar skuldir Íslands í lok 2009 voru langt umfram það 240% hlutfall  af vergri landsframleiðslu sem starfsmenn AGS mátu sem „augljóslega ósjálfbært” í skýrslu þeirra sem er dagsett 25. nóvember 2008 (sjá bls. 55 í þessari skýrslu).

Meginmarkmið þess samningaferils um ICESAVE sem hleypt var af stokkunum í nóvember 2008 var að tryggja uppgjör á flóknum málum sem viðkomandi aðilar, að meðtöldum ESB og AGS, voru einhuga um að leiða til farsællar lausnar samhliða endurreisn íslenska hagkerfisins. 

Við undirritaðir Íslendingar höfum verulegar áhyggjur af því að fyrirliggjandi drög að samkomulagi um ICESAVE samrýmist ekki þessu meginmarkmiði, og vísum í því sambandi til umsagna AGS um þróun og horfur varðandi innlendar hagstærðir og erlenda skuldastöðu Íslands hér að ofan.  

Því förum við þess virðingarfyllst á leit við ESB og AGS að þessar stofnanir takist á hendur ítarlegt og sjálfstætt endurmat á skuldaþoli Íslands svo að vanhugsuð úrlausn ICESAVE-málsins þröngvi ekki Íslandi í ósjálfbæra erlenda skuldagildru.

Virðingarfyllst,

Gunnar Tómasson, hagfræðingur

 

Ásta Hafberg, háskólanemandi

Gunnar Skúli Ármannsson, læknir

Helga Þórðardóttir, kennari

Jakobína Ingunn Ólafsdóttir, stjórnsýslufræðingur

Lilja Mósesdóttir, þingmaður Vinstri grænna

Rakel Sigurgeirsdóttir, framhaldsskólakennari

Sigurjón Þórðarson, formaður Frjálslynda flokksins

Vigdís Hauksdóttir, þingmaður Framsóknarflokksins

Þór Saari, þingmaður Hreyfingarinnar

Þórður Björn Sigurðsson, starfsmaður Hreyfingarinnar

Hvað með eigin tvískinnung?

Bjarni "vafningur" Benediktsson er sjálfur haldinn tvískinnungi. 

Hann ásamt föður sínum seldi allt sitt hlutafé í Glitni korteri fyrir hrun, stuttu eftir að alvarlegt ástand íslensku bankanna var kunngjört...

Þeir feðgar gátu losað um tæplega 1.000.000.000.  Þeir voru ótrúlega heppnir.

Ég bara spyr, hvaðan er þessi auður fenginn?  Kannski með sjálftöku?  Eða unnu þeir fyrir hverri krónu? 

Maður spyr sig...

ps: Svo eru það vafningsviðskiptin við Wernesbræðurna....  eðlilegt eða hvað finnst þér?

Tvískinnungsháttur hjá VG

Vinna óskast

Helst vildi ég fá vinnu í skilanefnd einhvers bankans, þar er sjálftaka í launum. 

Ég þarf meira en Vinnumálastofnun vill borga mér, ég fékk útborgað í febrúar og mars aðeins 111.000 rétt rúmlega.  Ég man ekki nákvæmlega hvað það var mikið. 

Vinnumálastofnun fékk víst upplýsingar frá ríkisskattstjóra að ég hefði bara verið í 70% vinnu áður en ég missti vinnuna mína.´

Ekki veit ég hvaða gögn ríkisskattstjóri miðaði við, kannski það að ég var að vinna á jafnaðarkaupi sem var langt undir venjulegum launatöxtum... 

 Eins og margir starfsmenn veitingahúsa í Reykajvík hafa þurft að sætta sig við...