Könguló, könguló vísaðu mér á berjamó?

Ég, frumburðurinn, sú 18 ára og hundurinn skruppum í berjamó í kvöld.  Stefnan var sett á Krýsuvík, vegna þess að ég mundi eftir ferð í Krýsuvík með mömmu, pabba, ömmu og afa þangað þegar ég var barn.  Þar fundum við ótrúlega mikið af berjum, við týndum eingöngu Krækiber.  Bláberin voru étin á staðnum.  Þegar heim var komið, hrærði ég út skyr og fengum við okkur berjaskyr.  Það var alveg æðislega gott.  Ég hef ekki komið í Krýsuvík síðastliðin 40 ár, það var allt öðruvísi en ég hafði búist við.  Ég sá fyrir mér grösugar hlíðar, en það var aðallega hraun, grjót og sandsteinsklettar.  En við fundum stað, þar sem allt var svart af Krækiberjum, namm, namm.  Ég set inn myndir á eftir af okkur í berjamó og kannski myndir af hverasvæðinu ef þær hafa heppnast.  Svo var komið við í kirkjugarðinum í Fossvogi, þar fór ég að leiði Jónu ömmu og afa Sigga, í gær var dánardægur ömmu minnar og nöfnu, hún dó þann 080880 þannig að í gær voru liðin 28 ár frá dauða hennar    Ein berjablá

Athugasemdir

[Kristinn Jónsson, 9.8.2008 kl. 02:07]

Long time, no see.Fyrsti dagur eftir sumar frí í vínnu. vona að þú hafir það sem best. Funnduð þið eitthvað af berjum ?

[Jóna Kolbrún Garðarsdóttir, 9.8.2008 kl. 02:10]

Kiddi minn bara lesa bloggið,  " En við fundum stað, þar sem allt var svart af Krækiberjum, namm, namm." 

[Einar Örn Einarsson, 9.8.2008 kl. 02:19]

MMM ég varð svo svangur að lesa þetta að ég fór í ísskápinn þar sem ég átti bláber (úr búðinni) og skyr og fékk mér ykkur til samlætis

[Jóna Kolbrún Garðarsdóttir, 9.8.2008 kl. 02:23]

Nýjar myndir, allir skoða

[Einar Örn Einarsson, 9.8.2008 kl. 02:40]

Hvar finn ég myndirnar? Finn myndir, en bara ekki frá berjaferðinni

[Jóna Kolbrún Garðarsdóttir, 9.8.2008 kl. 02:49]

http://huxa.blog.is/admin/album/#album_7665  Þarna eiga myndirnar að vera   vonandi virkar þetta.

[Einar Örn Einarsson, 9.8.2008 kl. 02:51]

Hmmm getur verið að þú verðir að fara í stillingar og láta albúmið birtast á síðunni????

[Jóna Kolbrún Garðarsdóttir, 9.8.2008 kl. 03:03]

 Ég athuga það á morgun, ég er farin að sofa  Góða nótt allir og sofið rótt

[Einar Örn Einarsson, 9.8.2008 kl. 03:06]

Kíki aftur þá

Góða nótt

[Jóna Kolbrún Garðarsdóttir, 9.8.2008 kl. 03:09]

OOh smá fikt og myndirnar eru allar komnar aftur

[Einar Örn Einarsson, 9.8.2008 kl. 03:16]

Já frábært.

Girnilegt skyrið, mikið ertu með fallegan hund, minnir mig á tíkina mína sem dó í fyrra eftir tæp 14 ár hjá mér. Sakna hennar oft.

Góða nótt og takk fyrir