Sparnaðarblogg og raunir húsmóður.

Ég er búin að vera dugleg í dag, þar sem ég átti frídag úr vinnunni tók ég daginn snemma.   Ég byrjaði daginn á því að horfa á Glæstar vonir og Ljótu Leti, svo eftir það lagaði ég til í stofunni minni.  Vegna þess að ég fékk hringingu frá Gagnaveitunni, von var á mönnum til þess að færa ljósleiðaraboxið mitt út þvottahúsinu á neðri hæðinni upp til mín.  

 Ég fór á fullt við það að laga til í stofunni minni, tók fram sófann sem ljósleiðaraboxið er á bakvið núna og þreif ég allt meðfram veggjunum.   Í millitíðinni vakti ég frumburðinn og bað ég hana að taka á móti mönnunum frá Gagnaveitunni ef þeir kæmu á meðan ég væri á Fótaaðgerðastofunni að fá fótsnyrtingu og spengingu á inngróinni tánögl sem er búin að vera að valda mér sársauka undanfarin 30 ár.  Á meðan ég kvaldist hjá Fótaaðgerðafræðinginum, komu tveir menn til þess að tengja ljósleiðaraboxið mitt og frumburðurinn tók á móti þeim. 

Þegar ég kom heim var allt á fullu við tilfærsluna á boxinu og ég notaði tímann og fór í Bónus að versla.  Þar sá ég hvað hunda og kattarmaturinn hafði hækkað mikið, ég sá líka tilboð á lifur og hjörtum og keypti ég 12 hjörtu og 4 lifrar fyrir tæplega 800 krónur.  Svo keypti ég líka 20 pylsur og kíló af Barilla spagettí. 

Ég eldaði pylsur og spagettí seinnipartinn og var ég með 6 matargesti, og okkur sem búum hérna líka.  Eftir fréttirnar í sjónvarpinu brytjaði ég öll hjörtun niður og sauð þau í léttsöltuðu vatni, og eftir klukkutíma fór ég að smakka á þeim.  Hjörtun brögðuðust alveg frábærlega og átum ég og örverpið eitt hjarta saman, svo klukkutíma seinna bætti ég 4 lifrum út í pottinn og sauð í nokkrar mínútur og bjó til sósu.  Þarna er var búin að búa til hunda og kattarmat sem dugar ábyggilega í mánuð hérna hjá mér.  Ef ekki lengur  

Í kvöld fórum ég og örverpið í gönguferð með hundinn og fylgdi einn köttur okkur.  Hundurinn kúkaði  í gönguferðinni og myrkrið var svo mikið að við fundum klessuna ekki.  Örverpið ætlar að fara á morgun og hreinsa upp skítinn, við látum ekki okkar eftir liggja.   Ein sparsöm

 

Athugasemdir

[Einar Örn Einarsson, 27.9.2008 kl. 01:19]

Hagsýn húsmóðir!

Færð 10 hjá mér. haha góður þessi að láta ekki sitt eftir liggja.

[Jóna Kolbrún Garðarsdóttir, 27.9.2008 kl. 01:25]

Við vorum svo flottar báðar náttblindar að leita af skít, hann finnst á morgun.  Ég er alltaf með poka fyrir svona atvik, en yfirleitt skítur hundurinn bara í garðinum okkar   Hann pissar og kúkar þegar honum er sagt að gera það!!!

[Hólmdís Hjartardóttir, 27.9.2008 kl. 01:32]

hagsýn flott hjá þér

[Jóna Kolbrún Garðarsdóttir, 27.9.2008 kl. 01:44]

á meðan ég man heimsóknin til fótaaðgerðafræðingsins kostaði mig litlar 9.000 krónur    Þar fór sparnaður dagsins til fjandans

[Hólmdís Hjartardóttir, 27.9.2008 kl. 01:50]

Fór í klippingu og strípur í dag.....litlar 9500 kr

[Jóna Kolbrún Garðarsdóttir, 27.9.2008 kl. 02:03]

Ekki eyði ég krónu í klippingar nútildags, ég læt börnin mín raka allt hárið af.  Þannig að ég spara mér helling á hverju ári

[Sigrún Aðalsteinsdóttir, 27.9.2008 kl. 02:06]

Kannast við náttblinduna og hundaviðrun.  Smá ábending fyrir náttblinda hundaeigendur.  Þreifa bara fyrir sér þangað til maður finnur yl gegnum plastið  Þá lætur maður ekki sitt eftir liggja

[Jóna Kolbrún Garðarsdóttir, 27.9.2008 kl. 02:18]

Takk fyrir ábendinguna Sigrún   Ég prófa það næst