Utanferðir mínar eru hættar í bili

Ég hef ferðast til útlanda á hverju ári undanfarin 22 ár.  Fyrst voru farnar innkaupaferðir, þar sem ég fór gagngert til útlanda til þess að kaupa fatnað á börnin mín á góðu verði.  Þá var farið út með tómar ferðatöskur af stærri gerðinni og svo voru keypt föt á börnin og nokkrar flíkur á mig sjálfa á góðu verði.  Fyrst var farið til London, svo Dublin, svo Glasgow og Manchester.  Í öllum þessum ferðum keypti ég aðallega föt í verslunum Mark's og Spencer, Mothercare og Next.  Sama ár og verslun Next var stofnuð á Íslandi hætti ég að fara til útlanda til þess að kaupa föt.  Það borgaði sig ekki lengur að fara til útlanda að kaupa föt. 

Þá fór ég að ferðast til Finnlands, þangað hef ég komið á hverju ári í 8 eða 9   ár og allavega tvisvar hef ég farið tvisvar til Finnlands á sama árinu.  Ég er samt heppin að hafa ekki þurft að borga fyrir hótel í Finnlandi undanfarin 7 ár, þá hef ég gist hjá vinum mínum og kennurum í finnsku.  Það er þeim að þakka að ég tala finnsku í dag. 

Utanferðir eru hluti af lífsmunstri og lífsgæðum

Athugasemdir

[Jóna Kolbrún Garðarsdóttir, 13.10.2009 kl. 01:30]

Það var ótrúlega hagkvæmt að ferðast til Finnlands undanfarin ár, miðarnir fram og til baka kostuðu alltaf undir 30.000 krónum og svo sparaði ég helling á því að versla ýmsan varning í Finnlandi.  Ég fór að safna Thule glösum frá iittala, og keypti ég ýmsan annann finnskan varning.  Eins og Fiskars hnífa og skæri, og Nokia stígvél á sjálfa mig.  Svo á ég eldgamlan Nokia síma sem ég hef keypt batterí í Finnlandi á góðu verði.  Gamli síminn minn er Nokia 3310 ef einhver man eftir svoleiðis forngrip. 

[Hildur Helga Sigurðardóttir, 13.10.2009 kl. 02:32]

Jafn hrifin af Finnlandi og þú Jóna mín.  Hef átt góðar stundir þar.  Gæti þó ekki verið meira sama þó að ég hafi ekki komist út fyrir landssteinana sl. ár.   Verra með húsn.lánin, sem hafa hækkað svo fáránlega að erfitt er að eiga við þau fyrr en "ráðstafanirnar til bjargar heimilunum" fara að virka...