Er fréttablað stjórnarinnar ekki að koma boðskapinum til skila?

Er fréttablaðið hætt að taka við lofgreinum frá Steingrími allsherjarráðherra? 

 Jóhanna hefur líka verið "iðin við skriftir" eða einhver hefur skrifað greinar í hennar nafni í Fréttablaðið, ég hef oft séð greinar eftir þau bæði í málgagninu þeirra. 

Varla trúir fólk því sem þau skötuhjú, eða málpípur þeirra skrifa í blaðið um eindæma árangur þeirra? 

Ég er ekki að upplifa þessa hagsveiflu, og uppgang sem þau tala um. 

Ég er heldur ekki að skilja hvað mikla árangri þessi ríkisstjórn þykist hafa skilað, ekki er ég og mínir að upplifa þennan uppgang, enda er ég láglaunamanneskja. 

Lánin mín hækka í hverjum mánuði, launin gera það ekki. 

Innkaupin eru dýrari í hverjum mánuði, þannig að ég get keypt minna og minna... 

Árangur þessarar stjórnar er kannski sá að ekkert uppgjör hefur farið fram á hruninu og engar lagabreytingar hafa verið gerðar til að fyrirbyggja næsta hrun..

Og við skuldum miklu meira í dag en við gerðum við hrunið....

VG hefur áhyggjur af fjölmiðlum

Í þessu framboði er greinilegt að ekki skortir fjármagn

Ég hef verið að fylgjast með forsetaframbjóðendunum, og auglýsingum fyrir framboðin þeirra.

Það er greinilegt að framboð Þóru er að kaupa auglýsingar í sjónvarpi, heilsíður í blöðum og á strætóskýlum. 

Það væri gaman að sjá hverjir eru að styrkja framboðin, Herdís Þorgeirsdóttir er að vísu með sitt bókhald opið, en ég hef ekki séð þær tölur ennþá.. 

 Kosningabaráttan snýst ekki um málefni, heldur hver er uppáhaldsframbjóðandi fjölmiðlanna? 

Það er engin spurning í mínum huga að fjölmiðlamenn, Já Íslandmenn/konur og Samfylkingarmenn/konur eru uppistaðan í stuðningsmannaliði Þóruframboðsins...

Ég tek það fram að ég er ennþá óákveðin, ég mun gera upp hug minn daginn fyrir forsetakosningarnar.

„Við sameinumst um Þóru“

Skemmtilegur hundur

Ég var ásamt tveimur dætrum mínum og dóttursyni á Eiðistorgi og sáum við þennan hund skemmta sér og okkur áhorfendum líka. 

Hundurinn var einstaklega hress og kátur, fannst greinilega mjög skemmtilegt að sækja leikföng sem eigandinn sagði honum að sækja. 

Hann Máni var ekki eini hundurinn á svæðinu, við fengum  líka að skoða nokkra aðra hunda.  Þar á meðal hann Bjart sem er 11 ára gamall íslenskur hundur sem heimsækir elliheimili vikulega og nokkra aðra sæta og fína hunda...

Máni þekkir og sækir 40 hluti

Var það svona sem snillingarnir unnu, fyrir hrun?

„Eins og fram hefur komið þá falla 26 milljarðar á skattgreiðendur  vegna falls bankans.

 Þá greindi Fréttablaðið í dag frá því að Sparisjóðurinn í Keflavík tapaði 50 milljörðum króna á árunum 2008-2010. Á sama tíma jukust innlán hans um tug...i milljarða. Rekstrarkostnaður sjóðsins árið 2009, meðal annars launagreiðslur, var 2,3 milljarðar.

Umsögn.

Er hugsanlegt að tær snilld hafi búið að baki tug-milljarða innlánaaukningu?

Hvernig þá?

Jú, innlánatrygging ríkisins nær til allra innlána, þ.m.t. GERVI-innlána upp á milljarða sem samtímis eru sýnd sem lán til eignarhaldsfélaga þannig að eftir stendur meint innlánaskuld sparisjóðsins og samsvarandi útlánaeign.

Engir peningar koma við sögu, en við uppgjör sparisjóðsins finnast engar eignir í eignarhaldsfélögunum en ríkiið borgar út tryggingu á innlánum sem aldrei voru til.“ (@Gunnar Gunnar Tómasson)

Áhugaverðar vangaveltur Gunnars Tómassonar... 

Er það svona sem svindlið var yfirleitt fyrir hrun líka? 

Maður spyr sig...

Vill skýrslu PwC um SpKef

Furðuleg frétt

Ég er ekkert hissa á þessu, íslenska skattakerfið býður upp á þetta. 

Voru ekki "flestir" þeir sem eru ríkastir eru að telja fram "reiknað endurgjald"  sem er varla á við lægstu launin? 

Arðinn má ekki nota í þetta?  Eru ekki mestu tekjurnar hjá þessum "auðugu" fjölskyldum "arður"? 

Eigum við öll að vorkenna þessum auðmönnum/konum? 

Er það tilgangur fréttarinnar? 

Maður spyr sig...

59 áttu ekki fyrir auðlegðarskatti

Það er gott að blessaðir öreigarnir eiga fyrir olíu á skipin til þess að sigla til Reykjavíkur

Þeir munu ábyggilega láta vel í sér heyra á Austurvelli þessir aumingja fátæklingar, ég vorkenni þeim svo mikið.

Útgerðarmenn eru ábyggilega mestu styrkþegar íslenskra stjórnvalda undanfarna áratugi, afskriftir sem þeir hafa fengið hefðu ábyggilega hjálpað heilbrigðiskerfinu okkar hefðu peningarnir verið notaðir í það.

Nei, við sem vinnum sem launþegar erum að hjálpa útvegsmönnun á hverjum degi, samt hirða þeir arð upp á tugi milljarða á hverju ári. 

Hvenær hætta stjórnvöld að láta þetta fólk stjórna landinu? 

Maður spyr sig

ps:  Ætli við skattgreiðendur fáum reikningana fyrir eldsneytiskostnaði við þessa siglingu? 

Skip úr Eyjum lögð af stað

Mér finnst þetta framboð hennar Þóru fyndið

Fyrst þegar hún tilkynnti framboðið var búið að breyta henni úr venjulegu Íslensku konunni í einhverja fígúru.

Ekki veit ég hvar hún gróf upp hárgreiðslumanneskjuna sem hefur gert þessar kerlingarlegu greiðslur, hún Þóra var bara venjuleg kona fyrir forsetaframboðið.

 Svo allt í einu er hún orðin eins og herfa um hárið og í kerlingarlegum drögtum og kjólum.

Þurfa forsetaframbjóðendur að hafa stílista?  Sem gera þá tilgerðarlega? 

Maður spyr sig

Sé ekki í samkeppni við þingið

Hvað gera bændur nú?

Samkvæmt því sem ég hef lesið um þetta nýja blað, er það til stuðnings inngöngu okkar Íslendinga í ESB.

Ég held að það sé staðreynd að yfir 60% þjóðarinnar sé á móti inngöngu í þetta samband.

Það er staðreynd að flestir bændur sem eru með lítil eða meðalstór bú fái borgað fyrir að leggja búin niður, og þeir sem eru með stór bú fái styrki til að stækka búin og verksmiðjuvæða þau.

Þannig var það allavega í Finnlandi þegar þeir gengu í ESB, flestir smábændur sáu hag sínum best borgið við það að leggja búin niður og fá styrki frá ESB til þess.

Svo lifa þeir á hverju?   Fá borgað fyrir að gera ekki neitt?  Hvaða tilgangi þjónar það?  Búa til fleiri atvinnuleysingja? 

Maður spyr sig...

Nýtt blað um áhrif aðildar að ESB á landbúnað

Hagnýtar upplýsingar vantar

Ég hef verið að velta fyrir mér ýmsum spurningum í sambandi við þennan Huang Nubo og ástæðu hans og(kínverska kommúnistaflokksins) fyrir áhuganum á að eignast land á Íslandi og þarna fyrir norðan.

Ef hann fær ( sem er víst) að leigja landið í 40 eða 99 ár eins og hann vill, hvað fylgir með?

Fær hann ótakmarkað dvalarleyfi á Íslandi?  Þá vegna þess að hann er með land á leigu.

Fær hann að flytja inn Kínverska vinnumenn  á landið sem hann hefur á leigu? 

EF EKKI, til hvers þá að sækja svona stíft að fá yfirráð yfir þessu landi í 40 eða 99 ár?

 Maður spyr sig

Huang vill samning til 99 ára

Ég fagna framboði Andreu

Mér finnst Andrea Jóhanna Ólafsdóttir góður frambjóðandi. 

Hún er með málefnin á hreinu. 

Þeir sem fylgst hafa með óeigingjörnu starfi hennar í Hagsmunasamtökum Heimilanna hljóta að vita hvaða málefni eru henni hugleikin.

Heimilin og afkoma þeirra er eru í fyrsta sæti hjá henni. 

Lýðræðisleg vinnubrögð eru líka það sem hún vill standa fyrir.

Að fara eftir meirihlutaáliti þjóðarinnar er frábær kostur.

Ég get hugsað mér að kjósa hana.

„Þar sem er vilji er vegur“