Það vita flestir áætlunina um að gera ekkert

Mér finnst þegar ég les þessa frétt að hann Guðbjartur Hannesson sé að ljúga.

Það hentar ekki AGS og fjármagnseigendum að breyta skuldamálum heimilanna.

Stjórnin er ekki að vinna í þágu heimilanna, þeirra forgangur snýst um að fjármagnseigendur tapi engu og að AGS áætlunin standi.

Skuldamál heimila í biðstöðu

Leiðréttingar er þörf

Það eru ekki bara ólöglegu myntkörfulánin sem hafa verið dæmd ólögleg sem eru ósanngjörn.

Núna eru það verðtryggðu lánin sem eru að gera fullt af fólki eignalaust.

Þetta er ekki sanngjarnt að fá laun í venjulegri krónu þegar lánin okkar eru í verðtryggðri krónu.

Þetta er sama vandamálið og við myntkörfulánin, maður þarf að hafa laun í sama gjaldmiðli og skuldirnar eru.

Verðtryggð króna er ekki sami gjaldmiðill og launakróna. 

Þessu þarf að breyta strax!

Skuldir heimila aukast stöðugt

Bleikt slím

Bara þessi setning hefur fælingarmátt, er eitthvað jákvætt við það að búa til "bleikt slím" úr afgangs kjöti? 

Að hakka allskonar afganga í svona afurð er ekki traustvekjandi.

Beinlausir kjötafskurðir? 

Hvað þýðir það?

Hakkaðar sinar og allskonar? 

Hálsæðar, kinnar, halar? 

Maður spyr sig

„Bleikt slím“ orsakaði gjaldþrot

Var hann að standa sig of vel?

Er Jón Bjarnason bara að bulla?

Hefur Steingrímur rétt fyrir sér? 

Var samningur við Tómas H. Heiðar útrunninn?

Var aðalsamningamaðurinn að verja hagsmuni Íslands? 

Stóð hann sig ekki í þeirri vörslu? 

Er einstefna Samspillingarinnar og Vinstri grænna á hraðferð inn í ESB vandamálið?

Maður spyr sig!!

Aðalsamningamaðurinn hættur

Að kjósa um áframhaldandi "aðlögunarviðræður" aðildarviðræður

Mér finnst að það eigi að kjósa um ýmislegt í sumar ef forsetakosningar verða haldnar.

Það þarf að kjósa um ýmislegt eins og áframhaldandi aðlögunarviðræður. 

Svo þarf að kjósa um ýmis atriði stjórnarskrár sem stjórnlagaráð hefur lagt fyrir þingið.

Ég vil sjá sérstaka kosningu um 111. greinina.

  ‎111. gr.

   Framsal ríksivalds. Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávalt vera afturkræft.

Með lögum þessum skal afmarka nánar í hverju framsal ríkisvalds samkvæmt þjóðréttarsamningi felst.

Samþykki alþingi fullgildingu samnings sem felur í sér framsal ríkisvalds skal ákvörðunin vorin undir þjóðaratkvæði til samþykkis eða synjunar. 

Niðurstaða slíkrar þjóðaratkvæðisgreiðslu er bindandi...

Vilja fá að kjósa um aðildarviðræður

Mér finnst Sigurjón trúverðugari en Björn, hvað finnst þér?

Hérna er kjarnastefna Dögunar í heild. "

Kjarnastefna Dögunar

Dögun - samtök um réttlæti, sanngirni og lýðræði sem bjóða munu fram í næstu alþingiskosningum og leggja áherslu á brýna hagsmuni almennings, hafa sammælst um neðangreindan stefnuramma. Öllum sem fallast á forgang þessara mála er boðið til þátttöku. Við leggjum áherslu á að hrinda í framkvæmd mikilvægum hagsmunamálum þjóðarinnar og að verða það breytingaafl sem íslensk stjórnmál skortir svo mjög.

Öflugar aðgerðir í þágu heimila

Leysa verður skuldavanda heimilanna með róttækum hætti og bæta aðstöðumun almennings gagnvart fjármálavaldinu. Leita skal lausna á forsendum lántakandans frekar en lánveitandans. Við viljum tafarlaust afnám verðtryggingar á neytendalánum og almenna leiðréttingu húsnæðislána. Þá viljum við að lágmarks framfærsluviðmið verði lögfest og að vextir í landinu verði hóflegir.

Lýðræðisumbætur - Ný stjórnarskrá

Ný stjórnarskrá fólksins komi sem allra fyrst til þjóðaratkvæðis. Við teljum frumvarp Stjórnlagaráðs mikilvægt skref í átt til virkara lýðræðis og að þjóðin eigi að fá að kjósa um það. Við leggjum sérstaka áherslu á að tryggja tafarlaust með lögum eftirfarandi rétt almennings: Persónukjör samhliða flokkakjöri. Kjósendur hafi rétt til að kjósa framboðslista eða einstaklinga, jafnvel þvert á framboðslista. Þjóðaratkvæðagreiðslur óski 10% kjósenda þess. Íbúar kjördæma eða sveitarfélaga geti átt frumkvæði að atkvæðagreiðslu um sameiginleg hagsmunamál svæðisins óski 10% kjósenda þess. Sjálfstæði sveitarfélaga verði aukið og nálægðarreglan í heiðri höfð. Ákvarðanir verði teknar á því stjórnsýslustigi sem næst er málinu sjálfu.

Skipan auðlindamála og uppstokkun á stjórn fiskveiða

Orkufyrirtæki verði í eigu ríkis og / eða sveitarfélaga og nýting allra náttúruauðlinda til sjávar og sveita skal vera sjálfbær. Auk þeirra breytinga sem ný stjórnarskrá að forskrift Stjórnlagaráðs hefur í för með sér fyrir skipan auðlindamála er nauðsynlegt að stokka upp stjórn fiskveiða frá grunni. Tryggja þarf aðskilnað veiða og fiskvinnslu og að jafnræði ríki meðal landsmanna við nýtingu á sameiginlegum fiskveiðiauðlindum. Hámarka skal arð þjóðarinnar af auðlindum hennar. Virða skal álit Mannréttindanefndar Sameinuðu þjóðanna. Allur ferskur fiskur skal seldur á fiskmörkuðum.

Siðvæðing stjórnsýslu og fjármálakerfis

Bæta ber siðferði og auka gegnsæi í stjórnmálum, stjórnsýslu og fjármálakerfinu. Nauðsynlegt er að þessir aðilar vinni eftir skýrum siðareglum. Lög verði yfirfarin með því markmiði að fyrirbyggja spillingu og herða viðurlög við henni. Tryggður verði aðgangur almennings að öllum gögnum sem opinberir aðilar safna eða standa straum af. Þann aðgang má aðeins takmarka með lögum í lýðræðislegum tilgangi, svo sem til að tryggja persónuvernd. Komið verði í veg fyrir óeðlileg völd sérhagsmunaaðila og skilið á milli stjórnmála og viðskiptalífs. Bankaleynd skal afnumin að undanskildu því sem lög um persónuvernd kveða á um. Tryggt verði að eftirlitsstofnanir ásamt efnahags og viðskiptanefnd Alþingis hafi ávalt fullar rannsóknarheimildir gagnvart fjármálafyrirtækjum.

Lagalegt réttlæti og afdráttarlaust uppgjör við hrunið

Gera þarf ráðstafanir til að endurheimta illa fengið fé aðalgerenda í svonefndri útrás og höfða skaðabótamál á hendur þeim. Samfélag þar sem glæpir borga sig er ekki hægt að sætta sig við. Ganga þarf sérstaklega eftir því að sinnt verði brýnum rannsóknarefnum sem ætla má að hinir gamalgrónu stjórnmálaflokkar séu tregir til að láta rannsaka. Tryggja þarf góð starfsskilyrði sérstaks saksóknara og annarra sem koma að rannsókn efnahagsbrota í tengslum við Hrunið. Almenningur hafi aðgang að öllum upplýsingum sem rannsakendur Hrunsins afla, enda séu ekki sérstök rök fyrir því að halda þeim leyndum. Öllum skal gert kleift að leita réttar sins og verjast fyrir dómstólum, óháð efnahag.

Evrópusambandið

Við leggjum áherslu á opið og lýðræðislegt ferli, óháða upplýsingagjöf og fræðslu og treystum þjóðinni til að ráða niðurstöðunni. Ef aðildarviðræðum verður ekki lokið fyrir samþykkt nýrrar stjórnarskrár og þjóðin ákveður að hætta aðildarviðræðum í samræmi við 66. grein frumvarps Stjórnlagaráðs, munum við styðja þá niðurstöðu. Að öðrum kosti verði aðildarviðræður við Evrópusambandið kláraðar og niðurstaðan borin undir þjóðaratkvæði."

Ég hef trú á þessu nýja stjórnmálaafli, þar er kominn góður valmöguleiki gegn fjórflokkinum. 

Segir Sigurjón hafa stutt klíkuskap

Landsdómur

Leikritið Landsdómur er núna sýnt í þjóðmenningarhúsinu.

Þar kemur fólk í röðum sem kunni fátt, vissi minna og gerði ekkert.

Allir virðast hafa vitað af stöðunni á íslensku bönkunum en þau ákváðu að gera ekkert, bara til þess að rugga ekki bátinum.

Það gerði tjónið af hruninu margfalt verra en það hefði þurft að vera. 

Þau kusu að horfa framhjá "blikunum" sem voru á lofti.

Annar stjórnarflokkurinn sem sat við völd fyrir hrun, er núna að reyna að þvo hendur sínar af hruninu. 

Hafi þau skömm fyrir um aldur og ævi...   

Landsdómur í myndum

Iðnaðarsorp

Ég hef heyrt sögusagnir frá tveimur núna síðustu mánuði.

Sögusagnirnar snúast um íslenskt iðnaðarsorp.

Í fiskvinnslunni eru afskurður og ormar hakkað og blandað "einhverjum" efnum, svo er því sprautað í fiskflökin sem verið er að verka. 

Svo er þetta selt sem íslenskur fiskur, getur verið að svona sé farið með fiskinn okkar? 

Maður spyr sig.

ps:  Ætli þetta sé selt á sama verði og ósprautaður fiskur? 

Ekki gott að flytja inn iðnaðarsorp

Launhált

Það er oft hálka sem ekki sést svona nálægt sjó, eins og veðrið hefur verið í kvöld hefur sennilega sjávarrok bleytt götuna. 

Það hefur verið brim og öldugangur á Nesinu í allan dag, svo þegar frystir verða göturnar stórhættulegar.

Svo hafa oft orðið slys þegar fólk er að keyra allt of hratt miðað við aðstæður, götur sem liggja að sjó eru oft varasamar..

Umferðaróhapp á Nesinu

Spennandi

Mér þykir það spennandi að sjá hvernig veðbókavottorð þingmanna líta út, ég er búin að sjá 6 veðbókarvottorð og varð ég undrandi hversu miklar skuldir hvíla á íbúðum þeirra. 

Mér finnst þetta frábært framtak hjá fólkinu að gera þetta svona.  

Til hamingju Svipan.is.  Þið eruð að standa ykkur vel, þrátt fyrir að vefþjónninn liggi niðri í augnablikinu.. 

Vonandi verður það komið í lag í fyrramálið.

Veðbókarvottorð gerð opinber